Sveinn Snorri Sveinsson

Sveinn Snorri Sveinsson er fæddur á Egilsstöðum árið 1973. Hann birti sín fyrstu ljóð í skólablaði Menntaskólans á Egilsstöðum og gaf út ljóðabókina Andhverfur snemma veturs 1991.

Árið 2019 komu út eftir hann skáldsagan
Þorpið í skóginum  hjá Bókaútgáfunni Deusi og Minning hins gleymda sem kom út hjá Félagi ljóðaunnenda á Austurlandi og geymir úrval ljóða úr fyrri verkum höfundarins.

Sumar í september (2020) er sannsöguleg frásögn sem fjallar um ungan mann sem missir heilsuna eftir mikla vímuefnaneyslu. Eftir áralöng veikindi er hann orðinn miðaldra án þess að nokkuð hafi gerst í lífi hans síðan um tvítugt. Dásamlegir hlutir eiga sér stað þegar hann kynnist konu á internetinu. Hér er sagt frá því hvernig þau hittust og hvað gerðist. Þetta er saga sem er jafn sönn og ástin sem hún fjallar um.

Í lok Sumars í september (2020) er sögumaður nýlentur á Reykjavíkurflugvelli eftir stutt ferðalag

Við endurnýjum nú kynni okkar við hann daginn sem hann ætlar að halda ferðalaginu áfram og fljúga til Maníla á Filippseyjum með viðkomu í Dubaí þar sem unnustan bíður hans.

Lífið er ævintýri og ástin saga sem þarf að segja frá.

Ferðalag til Filippseyja er þriðja skáldsaga Sveins Snorra.

Júlía Margrét Einarsdóttir

Júlía Margrét Einarsdóttir hefur geyst fram á ritvöllinn á undraskömmum tíma og komist langtum framar en jafnokar hennar. Júlía hefur lokið meistaranámi í ritlist við Háskóla Íslands og handritagerð við virtan kvikmyndaskóla í Los Angeles, New York Film Academy.

Drottningin á Júpíter er þriðja bók Júlíu Margrétar, en áður hefur hún sent frá sér nóvelluna Grandagallerí – Skýin á milli okkar (2016) og ljóðabókina Jarðarberjatungl (2018).

Kristian Guttesen

Fyrsta bók Kristians, Afturgöngur, kom út árið 1995 en alls hefur hann gefið út tólf frumortar ljóðabækur.

Jafnframt hefur hann gefið út ljóðaúrval og þýtt skáldsögur, fræðirit fyrir börn og barnabók en fyrir þýðingu sína á Brekkunni (2006) eftir Carl-Frode Tiller var hann tilnefndur til Íslensku þýðingaverðlaunanna 2007.

Verk hans hafa verið þýdd á albönsku, dönsku, ensku, frönsku, litháísku, malayalam, norsku, spænsku og úkraínsku.

Sigurbjörg Sæmundsdóttir